رجل بيتحوّل فجأة لـ حشرة، وبهاللحظة بيتحوّل كل شي حواليه: نظرة أهله، حبهم، احترامهم، وحتى وجوده بينهم.

من إنسان تعب وسعى كرمالهم، إلى عبء بيتمنّوا يتخلّصوا منه.

وكأن كافكا عم يهمس لنا:

الناس، وحتى أقرب الناس، ممكن يحبّوك طالما إنت "مفيد"، بس أول ما تتعب أو تنكسر… بيتغيّر كل شي.

رواية عبقرية، ساحرة، تختصر بوَرقات قليلة وَحدة الإنسان الحديث واغترابه القاسي بعالم ما بيرحم.

اكتشفت أديب عبقري، وحاسس إنو رحلتي مع كافكا رح تكون طويلة ومليانة دهشة.